Plantun de Prouvènço

Pèr coumpara dos planto d'encò nostre

Lythrum salicaria & Odontites luteus subsp. luteus

Tè-di-paure

Lythrum salicaria

Lythraceae

Àutri noum : Crèsto-de-gau, Erbo-de-cierge, Erbo-de-ciro, Erbo-de-la-pòu.

Noms en français : Salicaire, Herbe aux coliques.

Descripcioun :
Grando planto de roubino, de canau e de ribiero bèn drecho, e di flour vióuleto que fan uno longo espigo. La planto s'atrobo d'en pertout e tiro l'iue de jun à setèmbre. Se pòu pas engana.

Usanço :
Lou tè-di-paure èi di proun vertuous : li flour sougnon la fouiro, lou mau de vèntre e d'estouma, e soun bono pèr la circulacioun dóu sang. Se bèu en infusioun (50 g de flour sèco pèr un litre d'aigo) o peréu en sirop (faire macera li flour emé de mèu). Parèis meme que soun bono contro la raumido de pèu (egzema). Dins lou TdF es escri que li gènt de Cadarousso n'en prenien après qu'aguèsson agu uno grosso pòu.

Port : Grando erbo
Taio : 30 à 200 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Lythrum
Famiho : Lythraceae

Ordre : Myrtales

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Printèms - Estiéu - Autouno

Sòu : Ca
Autour basso e auto : 0 à 1200 m
Aparado : Noun

Liò : Palun - Ribiero
Estànci : Termoumediterran à Coulinen
Couroulougi : Cousmoupoulito
Ref. sc. : Lythrum salicaria L., 1753

Ardèno-jauno

Odontites luteus subsp. luteus

Orobanchaceae Scrophulariaceae

Autre noum : Pinau.

Noms en français : Odontite jaune, Euphraise jaune.

Descripcioun :
L'ardèno-jauno o pinau es uno planto que flouris en noumbre à la fin de l'estiéu. La planto èi redo, primo e proun ramado. Li fueio sou peréu primo. Se destrìo de sa cousino Odontites viscosus qu'èi pas pegouso e que fai de flour mai duberto d'ounte se vèson bèn lis estamino.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 70 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Odontites
Famiho : Orobanchaceae
Famiho classico : Scrophulariaceae

Ordre : Lamiales

Coulour de la flour : Jauno
Petalo : irreguliero
Ø (o loungour) flour : 5 à 8 mm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Juliet à Óutobre

Liò : Tepiero seco - Garrigo - Relarg à jòuinis aubret - Colo
Estànci : Termoumediterran à Subremediterran
Couroulougi : Éuropènco-Sud
Ref. sc. : Odontites luteus subsp. luteus (L.) Clairv., 1811

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Lythrum salicaria & Odontites luteus subsp. luteus

CCC

Coumpara Tè-di-paure emé uno autro planto

Coumpara Ardèno-jauno emé uno autro planto